政情：林鄭發叔面左左

發叔致詞時仲句句有骨落地，話好多時政府政策係利民定禍民，只係一線之差，如果推行不當，又或者不得其時，隨時會好事變壞事，勞民傷財兼遺禍深遠喎。將人哋議辦開幕當戰場，會否唔係咁好呢？

發叔致詞句句有骨

林鄭致詞話，政府好多政策都要得到地區支持，例如係堆填區問題，政府都要先同地區磋商。之後發叔就話，好認同「民為國家根基」，仲話政府施政必須以民為本，當權決策者嘅一言一行，或輕或重，或緊或緩，足以影響政府政策可否順利執行。至於城鄉關係，發叔就話大家生活方式同傳統習俗唔同，所以希望政府各部門及各界議員都加強了解，喺用心服務市民之餘，保護鄉郊地區發展喎。雖然發叔講嘢咁有骨，但林鄭仍然表現得好從容，之後仲同發叔有傾有講添。