【本報訊】負責檢討廉署規管制度的獨立委員會日前發表報告，狂數湯顯明十八宗罪，不過，貪湯卻發表聲明諉過制度上的漏洞，指報告「很大程度填補過去制度、程序和監管上的遺漏與不足」，前廉署人員查錫我狠批湯顯明「講到好似唔關你事」，應主動辭去全國政協之職，免中央尷尬；另外，立法會保安事務委員會主席葉國謙亦批評，湯顯明不但沒把香港的廉潔作風帶往內地，反沾染了內地飲酒及送禮文化。
查錫我指出，根據有關報告，顯示可能有人觸犯公職人員行為失當，至於是否涉做假帳及虛假文書暫不得而知，然而理應負責把關的湯顯明不守規矩，是其身不正，視而不見，「佢欠全個廉署在任、退休人員同全香港市民一個道歉」，又斥湯前日所發聲明「離晒大譜」，狠批他諉過制度上的漏洞。
查又認為，「依家咁嘅情況，湯顯明要在內地宣揚反貪腐，係咪太過風趣、太過荒謬？」認為湯顯明應主動辭去政協之位，「唔通有一日真係畀人起訴、真係要坐監先畀人炒魷魚呀？」不過，他指，事件是湯顯明個人品格的問題，不等同廉署貪腐，盼市民信任廉署。
葉國謙指，立法會調查湯顯明的專責委員會下月三日開會，相信湯屆時會出席，亦不排除需邀請其他廉署人員出席。他認為，湯顯明作為廉署最高負責人，很多東西「未做足」，又指他不但沾染了內地飲酒文化，「用呢種互相送禮嘅方式去維持關係，非常非常值得深思」。據統計，貪湯○七年脫離公務員隊伍時已領取一筆過一千萬元退休金，另每月領取六萬二千元長俸。
黎女士：「湯顯明唔單止欠全香港市民一個道歉，更欠廉署、退休公務員一個道歉！ICAC個金漆招牌經營咗好多年，畀佢一次就破壞晒！湯顯明個聲明有潛台詞，就係廉署制度唔好，有漏洞、有灰色地帶，佢就唔使道歉！」
黃女士：「只有湯顯明一個人係冇可能o架！佢下低、下屬成大班人都係同流合污o架！下低啲人實知，點解唔報出嚟？我哋做會計，一年查得出嗰啲經理點樣穿櫃桶底、點樣將啲錢攞走，點會唔知呀？點會得一個人呀？」