觀塘道凹陷 車輛噪音遠播
交通繁忙的觀塘道車流不絕，更帶來噪音問題！居於彩德邨的葉先生指出，懷疑因車路凹陷，致車輛駛過時不時發出「隆隆」巨響，晚間及清晨時分尤為滋擾，「雖然我哋條邨起喺山邊，啲樓好似同車隔好遠咁，但係夜晚同朝早一有大貨車經過，啲聲都會傳到上嚟，真係會畀佢嚇一嚇！」
易釀交通意外
路政署發言人表示，在早前的道路巡查中，已發現觀塘道往偉業街天橋位置的路面有耗損，已即時要求承建商安排路面重鋪工程。不過，由於該路段交通十分繁忙，現正聯絡相關部門商討臨時交通安排，以減少工程對公眾的影響。
「我揸車經過都避得就避，但係大車就好難避，咁樣戥一戥，隨時連貨都跌埋出嚟！」觀塘區交通及運輸委員會委員顏汶羽表示，整條觀塘道的路面皆凹凸不平，除對附近民居造成滋擾外，更對駕駛者造成危險，要求當局盡快安排工程。