立法會綜合大樓前年入伙時鼠患嚴重，就連立法會主席嘅房門外都曾經有肥老鼠招搖橫行，最後經過一輪捉鼠行動，鼠患問題先至解決。自此以後，秘書處都會定期喺大樓內進行鼠蟲控制工作，就連今年「十．一」都唔例外，當日搵咗滅鼠公司去議員同秘書處嘅辦公室、公眾地方同茶水間等噴灑藥水，實行殺滅所有蛇蟲鼠蟻。話時話，內地咁多貪官污吏，貪腐醜聞揭完一宗又一宗，就連港澳兩地嘅貪腐案都未嚴正處理，所以「十．一」又有咩好慶祝吖，不如捉晒啲蛇蟲鼠蟻仲有象徵意義啦！
