執業大律師馬恩國早前憑英文粗口鬧爆立法會議員「長毛」梁國雄而廣為人知，後來更遭大律師公會紀律研訊。雖然事隔半年研訊依然未有聲氣，但曾高呼「愛澳洲、香港、中國」嘅佢，早幾日就喺社交網站分享歌曲「I Still Call Australia Home」，莫非馬恩國想憑歌寄意，表明自己心繫澳國嘅心迹？
成日被人質疑情歸何「國」嘅馬恩國投晒降，澄清上載首歌只係咁啱澳洲舉行大選，分享吓即使邊個黨帶領澳洲，佢依然視澳洲為家，又話作為海外華僑，對移民咗二十年嘅澳洲有感情都好正常，就算佢從未喺中國生活過亦一樣可以愛中國，希望大家唔好曲解佢嘅意思。
不過，呢首近乎係澳洲國歌嘅歌詞相當觸動人心，講到明「即使遠赴紐約、里約熱內盧等不夜城」，又「即使世界漸趨冰冷，也慶幸旅程始終會完結，並視澳洲為家」，難怪引起網民無限聯想，所以馬恩國尋日特別留言強調，即使身處海外都無阻佢愛國嘅心，仲想中、澳兩頭家都咁好添。
卓妮