去年四月，新界村屋僭建問題引發激烈爭論，當時全叔的村屋正是時任發展局局長林鄭月娥引用的「成功」例子。全叔回想此事怒氣難消：「幾十萬都畀咗，我真係好想解決件事（拆屋），但你哋（政府）做過啲咩？淨係識得話技術上可行，到底現實上可唔可行？拎我『祭旗』唔緊要，（政府）有心拆嘅點都可以拆到，但依家搞成咁，遲早逼到我上天台跳落嚟！」
早前剛進行心臟「通波仔」手術的全叔，為了拆除村屋僭建物，弄至他「食唔安，瞓唔樂」，更與兒子關係變差，因兒子也是反對清拆村屋僭建的其中一名村民，而以往和諧的睦鄰關係，也不多不少受到影響。
「依家見到間屋我就心噏，連朋友都唔敢見，怕人打電話畀我，驚佢哋問起間屋嘅嘢，又唔知（屋宇署）幾時會再告我。」全叔坦言，現在他只想盡快拆卸僭建物，「依家建築公司都話唔做，再咁搞落去，到時係咪要重新拆過？」