政情：公民講場：搵郊野公園開刀 恐再惹風波

香港土地短缺，而郊野公園土地佔全港土地七成，唔少人都向郊野公園打主意。發展局局長陳茂波尋日喺網誌重提發展郊野公園用地，佢話有意見認為喺土地供應緊絀情況下，郊野公園係唔係全部不能碰？又有人提出大嶼山郊野公園用地是否全部不可發展等問題，似為進一步開拓土地「試水溫」。佢嘅提問一出，社會上正反意見都有，證明香港要向郊野公園開刀，一定引起好多爭議，就算係「試水溫」，都唔會得到一刀切嘅答案。如果政府真係有意開發郊野公園用地，咁新一輪政治角力好快又要開展喇。