中環出更:巨貪案續審 大劉食飯當開庭?

華人置業主席劉鑾雄與南華足球隊足主兼商人羅傑承捲入澳門世紀巨貪奇案,今日喺澳門初級法院續審,料將有澳門廉政公署人員作供。由開庭至今以患病為由拒出庭嘅被告劉鑾雄喺審訊前夕,如常精神奕奕地同家人到灣仔午膳,好似「食飯當開庭」咁,但拒絕回應會否出庭。

「御海‧南灣」地盤拆廣告牌

尋日中午一時,劉鑾雄如常精神奕奕、健步如飛地到灣仔「飯堂」用膳,但當在場記者問佢今天會唔會出庭,或任何有關案件嘅問題時,佢充耳不聞未有回應,後來細劉劉鑾鴻亦到達。至於案中另一名被告羅傑承,尋日未有露面,記者打電話畀佢,但電話轉駁至留言信箱,至截稿前未有回覆。記者昨到涉案的「御海‧南灣」地盤,發現樓盤廣告牌已拆除。

劉鑾雄及羅傑承涉嫌以港幣二千萬元賄賂澳門前運輸工務司司長歐文龍,以獲取華置旗下澳門樓盤「御海‧南灣」五幅土地的批給,被控以行賄及清洗黑錢罪,案件六月中開審,但劉鑾雄一直稱病未有到澳門應訊,只係派出女友呂麗君到庭聽審。

卓妮

第一手消息請下載on.cc東方互動iPhone/iPad/Android/Windows Phone Apps