政情：公民講場：「雞髀打人牙骹軟」 潘佩璆照隊大佬

行政會議成員鄭耀棠及多名立法會議員接受國泰航空款待豪遊法國備受爭議，其中鄭耀棠一直死撐自己沒做錯，仲表明唔會繳付或捐出有關旅費。與鄭耀棠同屬工聯會嘅前立法會議員潘佩璆就大義滅親，認為提供款待或贊助本質係一種軟性游說，就係所謂嘅「雞髀打人牙骹軟」，會影響接受款待或贊助嘅人對有關機構及其產品嘅印象。潘佩璆講得一啲都冇錯，好多時做事就算跟足規矩，唔代表無利益衝突，作為工會高層，而且身兼政府核心一員，理應明白乜嘢叫瓜田李下同懂得避嫌，再者接收飛機同香港勞工問題有幾大關係呢？