轉介受助人 社署溝通亂
受助家庭「被轉介」，社署被指不近人情。有家庭早年遭逢巨變，獲社署主動提供服務，近日負責社工竟要求受助人「轉中心」，不但令當事人大有「被遺棄」之感，甚至惹來外洩私隱疑雲。資深社工指社署轉介個案雖屬正常做法，但過程中亦須留意受助人的情緒反應，並作彈性處理。
阿玲（化名）與家人居於油塘，早年因有家人離世而獲社署主動聯絡，並接受該署轄下藍田綜合家庭服務中心的服務。不過，近日阿玲接獲社工來電，要求轉至另一間「新中心」繼續跟進服務，「社工話油塘開咗新中心，叫我哋轉過去，我問佢係咪新同舊中心都係一樣，佢話『係』我哋先肯轉，點知……」當「新中心」社工來訪時，阿玲始知該中心由非政府機構營運而非社署，「都唔係社署啲中心，原來係其他機構，咁都叫一樣？」
最令阿玲一家不安者，乃「新中心」社工竟攜同已填寫其父電話及地址等個人資料的表格，登門要求其父簽署，「我係同社署講過同意轉中心，但有咩理由問都唔問，就將我哋啲資料畀另一個機構？」
阿玲與家人拒絕簽署轉介表格，並向社署藍田中心查詢，職員竟稱「一係就轉，一係就唔好用呢個服務」，令阿玲大為憤怒，「當我哋人球咁，究竟有冇尊重過我哋嘅意願？」
夾硬轉中心難即時接受
社會福利署發言人解釋，油塘區現已增設由非政府機構營運的綜合家庭服務中心，原由該署轄下藍田中心跟進的油塘區個案，亦已按情況分階段轉由新設中心跟進。發言人指出，上述個案於○六年接受藍田中心服務，強調轉換中心的安排已獲當事人同意，社工於事前亦有作清楚解釋。不過，發言人同時又承認，有關個案現已暫時拒絕接受油塘新中心的服務。
「受助人跟慣一個社工，難免會有感情，突然夾硬要佢轉去另一間中心，當事人未必即刻接受到，要小心啲處理！」香港社區組織幹事施麗珊認為，社署將個案轉介到非政府機構中心本無不妥，但需留意受助人的情緒及反應，在必要時或需給予轉接期，令當事人有足夠時間適應。
立法會社會福利界議員張國柱亦說，社署將個案轉介到其他中心屬正常做法，但亦反映社署與求助人溝通不足，「規矩係死嘅，冇必要咁僵化，如果轉中心會影響求助人情緒，分分鐘有反效果！」
記者：詹海萍