被指走數130萬
據聞此人作風高調，喺兩年總理任內積極參與活動，又做過唔少活動嘅搞手。包括攜家帶眷開生日會，又帶埋靚老婆上電視籌款，真係攞晒威。不過今屆此人冇再留低，最近被傳拖欠兩年嘅善款，竟然高達一百三十幾萬元，激到善團中人紮紮跳。
其實善長充闊佬唔算係新鮮事，仲有唔少人開完記者會，風光捐贈大支票後，轉頭就「彈票」。傳聞兩年前某位肥仔善長應承豪捐八百萬元，幫助長者憑卡免費享用某善團旗下嘅各項服務，結果善舉見諸報端、高官高調剪綵後，肥仔善長就食言話唔捐啦！咁都得？梗係唔得啦！所以最近咪黑函滿天飛，被打抱不平嘅人匿名投訴囉！