探射燈：「高中課程津貼」難幫補

教育局強調通識教育科課程支援津貼是一次性、非經常性撥款，旨在為剛起動的通識科創造有利條件，並表示撤回撥款後，學校可靈活運用每年獲發的「高中課程支援津貼」，支援新高中課程，包括支援通識科的推行，為該科調配額外人手和資源以減輕教師工作量、推行分組教學等。

鄧飛：「咁仲大鑊」

「咁仲大鑊！通識津貼都唔係用喺通識科啦！個高中課程津貼點會用喺通識科？」香港教育工作者聯會副主席鄧飛坦言，通識津貼尚非「專款專用」，「高中課程支援津貼」多會用於語文科目，通識科並不受惠，「公開試中、英文有三級嘅得百分之四十幾，校方一定係擺啲資源落中、英文！」