發展局局長陳茂波上任以來就涉及持有劏房、酒後駕駛、新界東北發展計劃中有利益衝突，負面新聞可以話係一波未平一波又起，而佢嘅民望就好似漏氣嘅波咁，想彈都彈唔起。港大民意研究計劃今個月初嘅司局長民望調查就顯示，咁多個局長個個民望淨值都有所上升，唯獨陳茂波嘅民望淨值係下跌。民望淨值跌至負四十五嘅陳茂波，更加成為呢個調查系列喺○二年開展以來表現最差嘅局長。民望彈唔起嘅陳茂波雖然做唔到最好，但「有幸」成為最差，算唔算威番次呢？
