男子闖出馬路攔車「伸冤」

躺臥地上 大叫大嚷

送院男子姓梁（卅歲），昨午一時許落大雨期間，他在長沙灣道往葵涌方向、長沙灣消防局對開，衝出馬路在三條行車線間踱步，兩輛巴士及一輛客貨車恐將梁撞及，立即停車，梁突然撞向其中一輛巴士車身後躺臥地上，大叫大嚷，其中姓吳（卅八歲）巴士車長打傘落車了解情況及勸說。

梁隨即情緒激動，站起身將其背囊內衣服雜物掏空掟落地，又舉起銀包大叫「話我做賊，我冇錢o架，各位街坊可以做證。」

期間，被截停客貨車趁其不為意，突圍駛走，梁一度飛跑攔截但不成功，之後再走回路中激動大叫：「我唔想被判監，點解搞我，嗰袋乜都冇，唔好屈我，我做正行o架，搵三百蚊啫。」

攔路伸冤 男子（左）攔路伸冤，車長（右）及警員在場勸說。

按地制服 警員合力將攔路男子按地制服。

遭多名警員按地制服

三男一女警員接報到場，替梁檢回衣服及雜物入背囊，再向他了解事件及勸其返回路邊，但梁無動於衷，繼續在馬路中行走，約十分鐘後，多名警員趁機合力將其按落地，扣上手銬拖回路邊，召救護車將他送院檢驗。警方正調查梁鬧事原因，現列傻人發現個案處理。