滅蚊不力 日本腦炎恐殺埋身
最近本港確診兩宗日本腦炎個案，令市民聞蚊色變！觀塘區誘蚊產卵指數接近百分之二十九，高於警戒水平，區內的秀茂坪邨設有多個綠化帶，蚊患情況尤為嚴重，不少居民皆被蚊叮至傷痕纍纍。屋邨管理公司雖聲稱已噴灑蚊油，但有滅蚊專家指蚊油只適合用於靜止積水，對盤據草叢的成蚊難以發揮效用，須改善滅蚊措施以對症下藥。
秀茂坪邨居民黃先生不時與小朋友到邨內遊樂場玩耍，惟自踏入夏季即發現家居附近蚊患嚴重，小朋友「落街玩一陣」已被叮咬至滿身紅腫，「大人都好啲，公園啲細路仔先慘，差唔多個個都係成隻腳一撻撻紅晒。」黃先生不滿房署滅蚊不力，擔心一旦有三帶喙庫蚊出沒，即會令可致命的日本腦炎「殺到埋身」。
家長為子女噴蚊怕水
記者到秀茂坪邨視察，發現公園內玩耍的小童手腳皆有蚊叮痕跡。在場不少家長均稱已為子女噴灑蚊怕水，仍未能完全防範。「噴幾多（蚊怕水）都冇用，你睇我個女，成隻腳畀蚊咬到幾多蚊瘌！」葉太又指邨內四處雖張貼「已放置蚊油」通告，成效卻欠奉。
食物環境衞生署發言人指出，已因應情況於附近一帶公眾地方加強防蚊工作，並派員巡查，由於涉事地點屬房署管轄範圍，已要求管理公司加強控蚊措施並將個案轉介予房署跟進。
秀茂坪邨物業服務辦事處發言人則說，屋邨會以七天作為一個循環，於邨內分階段噴灑蚊油。如天氣不穩令蚊油被雨水沖去，將安排額外噴灑工作；清潔工人每天早上會清理邨內各花槽的枯葉和垃圾，以保持環境衞生，過去半年共接獲三宗投訴。
專家：草叢應用蚊沙
不過，香港殺蟲業協會前會長兼現任成員蔡國輝質疑當局滅蚊工作成效不大，指蚊油的功能是令蚊隻幼虫無法浮於水面呼吸，令蚊的幼虫死亡，但在花叢等位置噴灑卻難以發揮功效，「蚊油只係用喺靜止嘅積水度，草叢應該用俗稱蚊沙嘅雙硫磷，咁樣有雨都唔會沖走，仲可以持續散發藥性！」至於成蚊則可以特定藥劑配以噴霧機作空間噴灑，以趕絕惡蚊。
「管理層又唔諗，前線員工就淨識跟指引做，最後搞一輪，噴完都係防唔到蚊！」立法會食物安全及環境衞生委員會委員王國興認為房署未有因應情況對症下藥，只盲目地噴灑蚊油了事，令蚊患情況持續。王又指秀茂坪位處山邊，除需改善滅蚊措施外，亦要加強周邊清潔，杜絕蚊患。
記者：林永發、伍思明