政情：容永祺執到寶 攬住上機
香港專業及資深行政人員協會創會會長容永祺（Samuel）最近接連買畫。話說Samuel喺上月下旬同太太及朋友到俄羅斯同烏克蘭旅遊，其中喺烏克蘭仲意外「執到寶」，用三千五百多美元，即港幣二萬七千多元買咗一幅八十年代名畫，之後有朋友話佢好眼光，因為呢個價錢比真實價錢平咗八倍、十倍。
最近愛上名畫
既然難得買到心頭好，Samuel都對呢幅名畫珍而重之，之後搭飛機時親自攬住上機，而且上機前仲要拎埋證書先可以出境。及至最近，Samuel又睇中咗已故著名畫家梵高兩幅名畫，雖然有關名畫係仿製品，據聞每幅都要廿五萬元，不過Samuel都心郁郁想一併買下，因為最近想為家中客廳「換畫」。