「貪曾」前特首曾蔭權爵士同「貪湯」前廉政專員湯顯明先後捲入連串貪腐醜聞，呢對貪腐兄弟對香港廉潔遺禍甚深。尋日港大最新民調又再顯示本港廉潔指標大幅下跌，創出過去十五年來嘅新低，真係沒有最低，只有更低，貪曾同貪湯令香港廉潔蕩然無存。有人形容貪曾同貪湯已成為香港嘅「千古罪人」，大家與其將心思同精力為一名教師講粗口而爆衝突，倒不如將精力擺喺貪曾同貪湯身上，促請廉政公署將呢對貪腐兄弟「落鑊」，重建港人對香港廉潔嘅信心。
