政情：有相為證：塗鴉寸侯志強「廢人論」

上水鄉事委員會主席侯志強日前發表「廢人論」，話有樓在手先叫正常人，如果人到中年四、五十歲都仲未有物業，就叫做廢人。此言一出，即時引起各界回響，唔少人都覺得佢貶低咗無樓人士，要佢為失當嘅言論道歉，不過侯志強講到明話唔會收回言論。尋日我哋喺上水港鐵站兩個出口外嘅行人天橋，見到有人用噴漆喺石屎柱上塗鴉，布滿數十個「我冇物業但不是廢人」嘅整齊字句，擺到明係要宣洩對侯志強「廢人論」嘅不滿。