揭人破產史 逼問似審犯
李偲嫣同我哋講，話佢亡父過往經營紡織廠，後來行業式微欠落銀行大筆債務，九一年過身後公司由佢接手，佢最後喺九三年畀人申請破產，但九七年已獲解除破產令。近日《蘋果》記者無喇喇追問番佢呢一段歷史，甚至連佢曾經改過名、畀窗簾公司入稟小額錢債審裁處追討千多元窗簾費、同立法會議員梁美芬相熟等，《蘋果》記者都好以審犯咁要佢逐一解釋，令佢覺得好無辜。
李偲嫣強調，自己只係想支持警方依法辦事，以及為一眾唔想啲仔女被教壞嘅家長發吓聲，點解要畀人咁樣起底同批鬥，質疑目的都想「滅佢聲」，令人反問香港仲有無言論同表達自由。