石排街四年六掘路擾民

「成日都有工程，呢頭掘完冇幾耐，陣間又掘過，點解唔可以掘開咗一次過做晒啲嘢，依家咁掘法真係好煩！」居於葵涌石籬邨的何先生指出，石偉樓與石怡樓對出一段石排街近年「掘路潮」持續，對居民造成嚴重滋擾，「掘完又掘，究竟幾時先至掘完？」何不滿當局統籌欠奉，未妥善安排施工程序與時間。

花槽地磚分開施工

記者向相關部門及公用事業機構了解，發現最近四年，上述路段曾不斷進行工程（詳見附表），單是路政署便在去年十月及十一月底分別在同一地點建造花槽及鋪設地磚，期間未有合併工程一同施工。

近年石排街行人路挖掘工程	市民心聲 林小姐：「條路成日掘，整番冇幾耐又再掘過，好似掘極都掘唔完咁，真係好嘥資源！」	朱先生：「掘路啲噪音好影響人，路政署應該協調得好啲！」

立法會工程界議員盧偉國認為，如屬緊急維修工程，施工時間無可厚非，否則路政署應妥善協調一般工程，避免同一路段於短期內重複施工，勞民傷財且影響居民安寧。「雖然一般掘路工程會喺日間進行，但都會有啲做夜班、日頭休息嘅市民會受工程影響！」盧促路政署正視問題，妥善統籌協調掘路工程。

「掘路證係路政署批嘅，邊啲部門申請路政署最清楚，點解唔安排得好啲？」當區區議員林紹輝直指路政署明顯未有做好協調工作，令市民承受不必要滋擾，要求該署加強統籌工作，「好似唔同部門如果要喺同一位置做工程，掘開咗就唔好各顧各鋪番，可以留畀下一手，唔使再嘥資源掘過！」

路政署發言人表示，為配合社區發展，各公用事業機構及政府部門需不時進行掘路工程，以改善、維修或更新地下各式公用設施。對於被指安排失當、缺乏協調的指摘，發言人則未有正面回應，僅稱會要求各持有准許證的機構或人士履行責任，以減少工程對公眾的影響。發言人又解釋，花槽及鋪設路磚工程位置沒有重疊，該署需先建造花槽才可鋪設路磚，屬不同工序，故未有合併一同施工。

記者：徐少琴