政情：公民講場：從政身家須清白 乞丐最啱做

香港政治文化愈來愈變態，高官及公職人士跟足規定申報利益都未夠，社會有部分人士仲要求佢哋申報埋配偶、仔女、以至外家、兄弟姊妹同阿爸阿媽嘅資產，否則就係有所隱瞞同漏報潛在利益，甚至會遭受文革式批鬥，難怪林奮強明明獲廉政公署還佢清白，都選擇辭職享受自由自在嘅生活。政府今後要搵人做官或行會成員，睇怕要喺天橋底或者露宿者之家張貼招聘廣告，先至可以搵到百分百穩陣嘅人選。