每月統計曝光率 企街站次數
據講依家各個支部每月都要統計其曝光率、區議員企咗幾多次街站、將幾多嘢上載到社交網站等等，以交番總部管理。所以總部每月都會監督各支部嘅工作量，而支部主席就要睇緊佢哋嗰區嘅議員有冇偷懶喇。其實呢個政策原意係好，但就搞到地區濫竽充數。
據了解，該黨區議員會喺每月頭幾日上街派發工作報告，以令佢哋所屬嘅地區支部錄得多啲街站次數外，亦不時去請願示威，尤其喺政府總部外嘅請願行動，每個月總有好幾次，有時更唔發採訪通知添，唔知咁樣算唔算當係一次行動呢？
此外，民記不時會做一啲「阿媽係女人」嘅調查，再舉行記者會公布結果，呢啲冇乜深度嘅調查，似乎只求百發一中，又點會受到傳媒關注呢？