政情：今日你上鏡：Greg蘇參觀乘機沾光
國際知名時裝設計師Vivienne Tam喺香港出身，喺前香港理工學院修讀時裝，但佢喺美國成功發展佢嘅事業並且喺國際走紅，原來佢喺長沙灣有一個創作單位，尋日佢仲帶商務及經濟發展局局長蘇錦樑（Greg蘇）參觀佢嘅地方。
唔係香港令Vivienne Tam有今日，但難為蘇錦樑仲話，Vivienne嘅成就充分展現香港創意人才濟濟，「政府將貫徹培育創意人才嘅發展策略」，真係戥佢面紅。Vivienne仲陪蘇錦樑視察時裝批發市場，唔知蘇錦樑有無發掘到第二個Vivienne呢？