殷先生日前到華明邨巴士總站的士站乘搭的士上班,等候良久仍未有的士埋站,查問下方知的士站已搬至邨外。
選地重疊浪費資源
「之前一直冇聽過有呢件事,又冇見過有告示,點解會完全冇諮詢?」殷指現時新的士站位於雍盛苑附近,不但地點偏僻,更不切實際,「隔籬雍盛苑商場門口已經有個的士站,要的士直情去嗰度截咪得囉,依家搞到好似求其揀個位交功課咁!」殷不滿部門未就新改動作詳細規劃,有敷衍了事之嫌。
辯稱事前張貼通告
運輸署發言人指出,為使途經華明邨巴士總站的巴士路線運作更為暢順、節省行車時間以改善巴士班次的穩定性,設於華明邨巴士總站內之的士站已於今年六月七日起,遷至暉明路五旬節于良發小學對面的停車彎位。現時華明邨一帶有多個的士上落客點及的士站,乘客亦可在其他非限制區等候的士。
發言人續稱,曾就遷站方案收集地區人士及的士業界意見,並於實施前在相關的士站張貼遷站通告及以交通通告形式告知公眾人士,當局日後會多加留意及考慮各種不同渠道盡快通知巿民有關遷站安排。
記者:朱廣華