生下來，活上去，千祈唔好得過且過淨係「活下去」，以免浪費人生在世嘅美好時光。你知啦，一個人有幸誕生於呢一個地球絕對唔容易o架，最低限度一條精蟲必須排除萬難先至可以同一粒卵子結合，過程比起贏得馬拉松冠軍仲要難呀。
身處凡塵俗世有乜辦法活上去呢？功夫茶嘅領悟係心態決定命運，你只要有積極嘅心態，你自然有亮麗嘅世界。就以最近中學文憑試放榜嘅學生哥為例吖，失明兼弱聽嘅考生曾芷君，如果唔係以積極嘅心態自創「唇讀」嘅求學方式，又點會成為令人敬佩到五體投地嘅殘障狀元呢？曾芷君正正係一個活上去嘅優良典範。
如果你有積極嘅心態，再加上《太陽報》每日附送嘅《好生活》，咁就如虎添翼嘞，包保你天天向上，身處凡塵俗世不斷活上去！
顧名思義，《好生活》為讀者提供美好生活嘅種種資訊，由七月二十五日即係尋日起天天為大家誠意送上生活百科。你知啦，一個人嘅生活包涵好多元素o架，譬如你想置業安居，《好生活》為你蒐集詳盡資料，譬如你想世界漫遊，《好生活》為你全球搜索，再譬如你想美容扮靚，《好生活》當然亦有大量貼士啦。
呢嗱嗱嗱，如果你認為外國娛樂新聞係生活上必不可少嘅快樂泉源，咁你就更加有必要留意《好生活》嘞，事關裏面有大量歐美日韓嘅熱爆話題，而且配以革新嘅Tabloid版面呈現不一樣嘅感覺，務求令到讀者耳目一新。
簡單咁講，《好生活》包羅萬有，既有精彩外國娛樂新聞，又有豐富副刊消閒資訊，亦有詳盡特刊專題報道，每日隨《太陽報》現身。讀者睇完《好生活》，個個生龍活虎，人人活得精彩。
除咗由七月二十五日起天天送上嘅《好生活》之外，大家唔好唔記得每逢星期五《太陽報》都會免費附送《好報》。講到《好報》咯喎，功夫茶不期然諗起七個字，好好好好好好好！
既然今日就係星期五，不如等功夫茶透露少少《好報》有乜猛料吖。今日出版嘅《好報》內容豐富到極，包括天王黎明叫價一億元出售獨立屋愛巢，荷里活型男湯告魯斯原來有離奇古怪嘅婚前協議，諸葛紫岐加拿大待產半年豪花百萬，美國人氣性感女歌手Rihanna近來愛上搞船P等等。
即係咁，一到星期五大家只要買一份《太陽報》，就會另外得到《好報》以及《好生活》，簡直係三料享受。就算唔係星期五，《好生活》都會日日陪住你，你話人生幾咁美好呢！