中環出更：小吉開「快車」 頻訪貧困地區
每年暑假都係旅遊度假好時機，但健康快車創會主席方黃吉雯（小吉）喺暑假反而最忙，事關佢要遷就一班善長放暑假，陪同探訪內地貧困地區。小吉話，佢啱啱先至從廣西回港，嚟緊又再出發去青海同甘肅，真係少啲體力都唔掂。
山路雖崎嶇 無阻善心送
小吉話，健康快車每年都有至少五、六個內地探訪團，即係平均每兩個月一次。雖然頻頻到訪貧窮山區、偏僻小村，旅程絕不舒適，但小吉話完全唔覺得辛苦，相反仲好享受，當佢見到一個個白內障病人獲得醫治，尤其是幾歲就患病嘅小朋友，要獨力撐起頭家，醫好眼疾後改善咗人生，令佢極為感動。
雖然如此，小吉依然有樣嘢覺得辛苦，就係要坐長途小巴到達目的地，喺崎嶇不平嘅山路上行走，真係坐到頭都暈。問小吉籌款有冇困難？佢好堅定咁答：「冇！」事關該會經常舉辦各項籌款活動，每項都好有創意，所以點會怕冇善長捐款？小吉更盛讚香港善長好慷慨，創會至今已有一批固定支持者，唔使佢開口，都會自動泵水喎。
卓妮