對於某些人，香港真係幾好都有；本報揭發食環署「明益自己友」，高薪「翻閹」部門廿六名退休公務員，且幾乎全部無透過公開招聘程序。
嗱！乜嘢叫「筍工」，勞月儀嗰位就係人辦，本報記者發現佢返工無影，甚至成個星期都唔需要返辦公室，唔通個位淨係開會開會開會！
李小龍的「李三腳」有黃飛鴻「無影腳」的影子，勞月儀有「無影身」，堪稱一時瑜亮。你都咪話唔和味，兩年合約總薪金二百二十萬元，一般可獲總薪金一成半約滿酬金，總計兩年可獲二百五十萬元。退休前為首長級第二級人員的她，當年薪酬最高可達十二萬九千元，退休前已獲一筆過七百二十多萬元退休金，之後每月領長俸四萬三千元。換言之，依家合計收入逾十三萬元，認真「天增歲月人增肉」，收入肥到着唔到襪，睇怕就係咁嘅情形！
食環署承認，勞之職位未經公開招聘，但強調該崗位需特定工作知識及對小販工作有經驗云云，原來世上真有「勇敢做自己，胡說胡有理」呢回事，阿哥，成個食環署咁多人，內部提升唔到一個人去執行「小販資助計劃小組統籌」嘅任務，這不正是本報「正論」所批：「那只能證明他們尸位素餐，濫竽充數」！
政府在用人方面，一味翻閹舊電池，如此裝頭蓋面，割肉補瘡，習俗相沿，但求苟安無事，不求振作有為，咁搞法，香港遲早真係有乏才之患！
人們對香港成功的因素，儘管有不同的看法，但幾乎沒有忽視港人自身努力這個因素；如今政府用人，只知私相授受，這種靠人際關係好才能辦事的現象，是可恥的！因為它把「人情」高過「是非」，又違反公平原則，你努力只能做新界的牛，再說，翻閹舊電池，堵塞真正人才向上流的機會，這是亂世的標本！