探射燈：北上設港校 可紓跨境童問題

港人家長早前到深圳市政府抗議。

工聯會內地諮詢服務中心副總主任邵建波建議，由本港中、小學在內地設立分校，令港生在內地「有書讀」，亦不用跟內地生爭官校學位，遭受社會壓力，「香港特首應該諗多啲計，同中央政府溝通，幫吓呢班學生！」

內地私校質素參差

「以前跨境學童問題冇咁嚴重，但呢幾年有增無減！」教育界立法會議員葉建源稱，港籍學童過往獲批准入讀內地官校，如今學校取消政策，勢必令跨境學童需求上升，「內地官校以外嘅學校，始終喺設備、校舍環境以至教學質素等方面冇保證，於是家長寧願送仔女嚟香港讀書！」

港人看法：鍾小姐（大學生） 喺內地生活就應該喺番內地讀書，如果港人子弟返香港讀書，搶佔學位之餘，對佢哋都唔方便。

羅先生（大學生） 內地戶籍制度唔公平，反映唔到社會實況，內地公立學校應該開多啲學位畀港人子弟入讀。