政情：公民講場：茂波學極唔精 醜聞爆不停

發展局局長陳茂波去年被傳媒揭發家族經營劏房，爆利益衝突，陳茂波民望迅速下滑，費盡九牛二虎之力仍不能翻身。發展局早前推出新界東北發展計劃，整套計劃設想好完備，只係有人要求用粉嶺高爾夫球會嘅地嚟起樓，點知陳茂波老婆又被揭發曾經喺新界東北持有農地，再爆利益衝突。發生過一次都唔學精，兩件事咁相似，究竟佢仲有幾多嘢會畀人揭出嚟呢？好心有嘢就一次過爆晒佢啦。