政情：有相為證：「並駕違泊」立會 葉國謙死撐
立法會議員范國威早前被本報獨家揭發縱容過氣議員鄭家富濫用立法會停車場車位，立法會行政管理委員會之後開會，決定用番廢咗無用嘅電腦拍卡系統，確保每位議員同時只可以喺停車場停泊一架車。
行管會成員 嚴人寬己
不過仍然有議員喺立法會雙泊，尋日所見，竟然係行管會委員之一、建制派嘅葉國謙。葉國謙嘅兩架私家車都掛有中港車牌，一架泊喺議員專用車位，另一架就泊喺訪客車位。
葉國謙解釋，由於佢其中一架車尋日突然壞咗，於是佢就叫司機將另外一架車揸去立法會，再將壞咗架車送去車房維修，死撐話兩架車同時喺立法會停車場嘅時間只有兩至三個鐘。佢又話，立法會停車場係為議員服務，認為自己嘅做法完全無問題，竟然非常理直氣壯。唔知呢啲係咪就係叫「律己以寬，待人以嚴」呢？