財政司司長曾俊華（鬍鬚曾）尋日又發表每周網誌，今期嘅主題仍然係學武同緬懷昔日喺美國嘅日子。財爺喺網誌話，當年佢喺波士頓讀書，當得知有港產功夫片上映，佢同其他師兄弟就會不惜揸八個鐘頭車，都要去紐約嘅戲院睇戲，可想而知佢對功夫片係幾咁着迷。為咗加強大家對財爺習武嘅說服力，佢又特登搵番多年前嘅陳年舊相出嚟，不過睇真啲張相，就會發現財爺年輕時個樣勁似V煞面具，唔通財爺後生時同啲V煞一樣咁反叛？
（互聯網）