食肆雜物亂丟蚊蟲擾民
「啲垃圾愈積愈多，搞到烏煙瘴氣，仲惹到周圍都係蚊蟲，我哋住喺樓上嘅真係好慘！」吳小姐家住西營盤德輔道西，指毗鄰大廈平台多年來一直被地舖食肆佔用作置放雜物，近兩年情況愈見嚴重，整個平台均布滿垃圾，其中抽風機頂更屬「重災區」。吳不滿當局在巡查食肆時未有關注佔用平台擺放垃圾問題，令附近環境衞生每況愈下。
本報轉介 食署巡查
食物環境衞生署發言人表示，接獲本報轉介後已即時派員到場巡查，證實有關大廈平台有雜物及垃圾，遂警告食肆負責人，其後覆查時已再沒發現雜物。發言人承諾會繼續留意上址情況及採取適當行動。
「依家叫做有少少改善，但最多垃圾嘅抽風機頂就完全冇清過，食環署做嘢可唔可以仔細啲？」吳小姐批評當局巡查草率，未能完全解決問題，要求加以檢討及改善。