房會稱南區暫無意建屋
不過，房屋署就回覆話，房委會喺南區並沒有新建或重建公營房屋嘅計劃。亦有人話香港警察學院作為培訓警員嘅「大學」，對培訓警員維持本港治安尤為重要，唔可以輕率「盲搶地」。
警察學院位於海洋公園入口對面，日後港鐵南港島線海洋公園站通車後，出入更為方便，所以白鴿區議員徐遠華就認為政府應該適當善用土地，研究搬遷學院，騰出地皮起樓，增加區內房屋供應量，佢已提出喺明日南區區議會會議上討論有關問題。不過，保安局同警務處綜合回覆區議會話，有關學院校舍佔地十八公頃，學院訓練對警隊維持及提高專業質素至為重要，依家並無計劃搬遷香港警察學院校舍。