路面螺絲外露絆途人
「嗰幾粒螺絲鑲咗喺度冇十年都有八年，次次行過都好驚會戟親」。羅先生多年前已發現九龍城碼頭公廁對出行人路有多粒螺絲外露，擔心途人稍有不慎即會絆倒。羅指由於該路段地面不平，男廁門外每逢天雨例必出現大片積水，途人行經時無不濺濕雙腳，甚至因而跣倒，不滿部門一直未有處理問題。
改善工程九月展開
路政署發言人證實上址行人路面有破損，現已維修妥當，並計劃進一步改善有關行人路面，工程預計今年九月內開展。發言人又稱，已指示承建商加強巡查有關行人路段，並作出適時維修。
羅先生證實，有關地面螺絲外露問題現已解決，「呢度嘅水氹同螺絲問題已經好多年，搵完《東方》幫手好快就有人跟進！」羅希望路政署日後能多加巡視各區路面，保障市民安全。