過埋今個星期，立法會將會休會放三個月暑假，又係時間來一個年度大總結。上屆立法會聞名於世嘅「四大懶蟲」，雖然其中三個已經喺上年九月選舉後被換走，但鄉議局主席劉皇發仍然少理，新一屆立法會首年會期繼續表現欠佳之餘，喺全體會議及財務委員會嘅出席率仍然包尾。至於循超級議席當選為議員嘅何俊仁（鐵頭仁），亦都成日唔開會，其偷懶程度同發叔可謂不相伯仲，堪稱「超級懶蟲」。超級懶蟲超級懶，真係唔多好聽。
