立法會財務委員會今日開會討論擴建屯門及打鼓嶺堆填區撥款申請，公文袋議員郭家麒尋日開會時趁機喺會議廳內擺放示威標語，抗議政府唔理政黨同民間反對，執意要求立法會喺休會前通過撥款申請。不過，仔細睇真啲，就會發現標語中「擴建堆填區」五個字中嘅「堆」同「填」字撈亂咗次序，變咗語焉不詳嘅「擴建填堆區」。雖然呢個錯誤驟眼睇唔多覺，但各位企圖或意圖想藉堆填區抽水嘅議員們，就要小心抽錯「填堆區」嘅水喇！
