政情：廢腑之言：保衞高球會梁君彥大講風涼話

粉嶺高爾夫球場近日因為新界東北發展計劃人氣急升，唔少市民都想鏟起塊地起樓，有會籍在手嘅立法會議員梁君彥（Andrew）就發聲保衞球會，除咗質疑「係咪樣樣嘢都要起晒樓？」外，仲猛講風涼話，先係話自己平日打波唔使錢，又話高球唔係咩有錢人玩意，非會員平日攞二千元出嚟就可以租場打十八個洞。佢就講得輕鬆，普通市民唔係個個都打得起二千元一場波，據講非會員要租場打波絕對唔容易。如果市民想好似佢咁得閒免費打番場波，淨係入會已經盛惠二十萬元，根據行政會議成員申報紀錄，葉劉淑儀同林健鋒都申報有會籍。話時話，就算笪地唔起樓，都唔代表只係畀一小撮人去打波囉，開放畀市民散步夠好啦！