政情：公民講場：愈彈愈糟「糕」 民記冧招牌
民建聯（民記）近排諸多不順，仲被人批評經常「跪低」撐政府。點知真係衰開有條路，尋日該黨慶祝成立廿一周年酒會，連切蛋糕都搞到招牌冧檔，認真唔老利。話說民記個蛋糕上有個該黨嘅大招牌，當該黨領導層及主禮嘉賓切蛋糕嘅時候，一個唔覺意整冧咗個招牌，仲要政務司司長林鄭月娥出手托住，真係丟架。
人哋食蛋糕就話寓意愈彈愈高，民記食蛋糕又彈極都唔高，仲搞到招牌冧檔，難為該黨曾鈺成幫口打圓場話：「民建聯最叻係跌低咗起番身！」不過，唔知呢啲又會唔會係貫徹該黨「跪低」後起番身當冇事嘅精神呢？
（羅錦鴻攝）