糖水道行人路淪雜物場
行人路變雜物倉，食環署被指「唔踢唔郁」！北角街坊黃先生近日行經渣華道市政大廈對出一段糖水道時，發現行人路堆滿大量傢俬及雜物，多日後再途經仍無人清理，更變得臭氣熏天，環境衞生受到嚴重影響，「又枱又櫈又床褥，擺到成條街都係，同食環署投訴過，竟然完全冇改善，離晒大譜！」
食物環境衞生署發言人表示，曾派員到場巡察，發現行人路有傢俬、手推車及雜物妨礙該署清掃街道，遂發出《移走障礙物通知書》。發言人續指，由於物主未有於限期內移走有關物品，職員其後已檢走物品，並安排清潔服務承辦商清洗有關路段。
「一同《東方》投訴就乾淨晒，好明顯食環署係唔踢唔郁！」黃先生證實有關雜物已被清走，批評食環署未有履行應有職責，要求當局檢討現有工作流程，加強執法力度，防止違規情況故態復萌。