水署烏龍 村民炎夏斷水

「我期期都有交水費，水務署又有人嚟抄錶，有咩理由仲要封咗我個水掣？」三行工人盧先生邊向記者展示水費單，邊指斷水當日早上曾目睹水務署職員進行工程，惟未料到職員會無故截斷其單位食水，「嗰日天氣好熱，做完嘢返嚟先知冇水用，成晚淨係可用毛巾抹身，真係好辛苦！」

僅用紙筆記喉管位

涉事水掣設於村口與村屋之間的小路上，盧指水掣後方的喉管屬村民自資鋪設，而水錶則裝設在近百米後的草叢。香港持牌水喉匠協會技術主任戚德明直言，類似接駁方法於鄉村十分常見，水務署就食水水喉接駁向有嚴格規管，村民自資駁喉前必先獲當局批准，並聘用合資格水喉匠進行。

水掣	不少鄉郊水管隱藏於草叢及地底，有業界人士指水務署對相關紀錄常出現混亂情況。

戚續指，理論上不論官方或自資喉管，水務署均會備有相關圖則及紀錄，惟事實該署往往寬己嚴人，不但常有喉管紀錄混亂情況，更曾有新界鄉村因喉管過於混亂，最後要重新鋪設大量喉管。「水務署有好多喉管紀錄都係用紙筆記低，逐間屋仔逐條喉咁畫出嚟。每區又再搵幾個『老臣子』負責睇住，等到換咗人，啲新人就睇到一頭霧水，唔知啲喉駁咗去邊！」戚直斥事件充分反映水務署管理不善。

盧先生向記者展示水費單，直言「期期都有交足水費」。

水費單

反稱停水無收投訴

水務署發言人解釋，當局於去年九月接獲該村一宗水管漏水個案，職員當時須把有關水掣關上。

該署事後一直監察相關位置情況，期間卻未收到任何食水中斷的查詢或投訴，相信有關喉管已被廢置，並安排將水掣永久廢棄。直至得悉盧先生的個案後，隨即派員重開相關水掣，並就事件致歉。

「水務署封水掣之前最起碼都應該貼張通告通知村民，如果咁都冇做就係失職！」立法會民政事務委員會委員王國興直言，有關出錯情節嚴重，令人吃驚兼不能接受，「不斷有人用水，點解咁都會話係荒廢咗？咁封之前到底有冇搞清楚過？」王國興要求水務署調查事件出錯原因，並避免重蹈覆轍。

記者：林松澧