上水花園通道淪賭場
上水花園第四號對出行人通道聚賭成風，街坊溫先生指該處長年有人開檔賭博，不滿警方視而不見，「成日都有幾枱人喺度打牌，嚴重嗰陣有成十幾枱，個位咁開揚，又有咁多人行，點解警察咁多年嚟都搞唔掂？」溫先生認為聚賭問題不但影響區內風氣，行人通道亦遭桌椅阻礙，要求當局嚴正執法。
促增設施供長者消閒
警方發言人表示，過去三年曾在上址進行三十九次反非法賭博行動，並以「在賭博場所以外地方賭博」罪名拘捕涉案人士。發言人強調，根據《賭博條例》，任何人如在街道上非法賭博即屬犯法，首次定罪可被判罰一萬元及監禁三個月，第二次定罪可判罰二萬元及監禁六個月，第三次定罪或其後再定罪，可被判罰款三萬元及監禁九個月。
當區區議員王潤強要求警方加強打擊區內聚賭情況，並促當局提供更多康樂設施供區內長者使用，「公然喺大街大巷賭錢唔可以接受，政府除咗打擊，都應該起多啲長者中心畀老人家消磨時間，等佢哋唔好喺街邊賭錢！」