零頭應撥下期疑行政失當
【本報訊】法律界人士梁永鏗直言事件罕見，不排除當中涉及部門出錯，「幾毫子咁少嘅數應該唔係前業主特登唔交，同埋正常今期有零頭欠款都應該會撥入下一期交番，點會隔咗十幾年先嚟追。」梁指一般樓宇買賣即使存在相關欠款，會因應欠款由新業主承擔而不影響交易，律師處理樓契時亦會釐清所有欠交費用，認為出現「幾毫子」欠款的情況十分罕見。
倡先繳付 免被釘契
梁永鏗又說，倘前業主欠款近二十年，政府應主動申請「釘契」，惟政府未有此行動，懷疑事件「可能係（地政總署）做漏嘢，根本連有欠款都唔知」。梁又提醒市民，一旦購入單位即等同承接前業主所有責任，欠交地稅亦包括在內，如拒繳交款項或可被起訴或被收回物業，建議新業主應先繳欠款再向前業主追討，「如果唔係就可能會釘契，咁以後業主買賣之前都要解釘先，張樓契都會留有污點。」梁又建議市民，交易前應向前業主查詢有否欠交地稅情況，若前業主有意隱瞞，可循法律途徑追究責任。