陳小姐日前使用飛行里數換購來回台灣機票，原擬與家人享受精彩旅程，未料航空公司的安排卻令一家人大為折騰，「訂機票嗰陣已經講明媽咪半身不遂要坐輪椅，點知佢哋冇特別安排，仲話飛機太細輪椅上唔到，最後淨係畀我個妹一個人抱阿媽上機，唔夠力又冇人幫手，阿媽仲因為咁扭親！」陳又指到達台灣後，當地航空公司職員早為母親安排好輪椅，但回港後卻需在機艙等候近一小時，坦言極度不滿。
有關航空公司發言人承認，客人訂購機票時已說明需要安排輪椅服務，惟或因溝通問題未有即時向客人詳細解釋輪椅服務安排的詳情，以及其預訂航班的航機型號限制，但強調其後已有清楚解釋。發言人就事件對乘客致歉，強調會繼續作出跟進。