博遊行議員投唔切票？
過去幾年七一，通常會有議員留守至最後一刻，如果有議員被警察拘捕，好多時候到第二朝先成功保釋離開警署，咁啱今次工務小組選擇喺七月二日朝早八點半開會，通宵抗爭嘅議員睇怕都趕唔切投票。
大舊陳偉業話早估到政府用陰招，所以當日假如佢身在警署，會到法庭申請人身保護令去投票。其他泛民議員經過遊行都消耗大量體力，第二日能否準時八點半返到立法會，都係好大挑戰，隨時少一兩個人，政府勝算已經大增。
雖然下周二只有屯門同打鼓嶺堆填區，但環境局對將軍澳堆填區仲未死心，副局長陸恭蕙話下年年中會再上立法會爭取議員支持，希望用一年時間令議員覺得政府有決心做好環保工作。