政情：八網難逃：群組被滅愛港力受打壓？

愛護香港力量召集人陳淨心尋日喺社交網站上重開咗個群組，點解要重開？佢話受到有關網站政治迫害，成個群組喺凌晨被強制性關閉，一萬多個成員全部被退出。有支持者留言話，對有關群組被關閉好失望，又話呢啲係打壓。而陳淨心就留言話，愛港力打不死，要再接再厲咁話。

陳淨心「違規相」被舉報

陳淨心其後又分享咗幅圖，話佢上載到社交網站個人專頁嘅一幅釣墨魚後拍嘅照片被舉報，原因係涉及裸露或色情喎。其實嗰張相入面嘅陳淨心完全無裸露成分嘅，至於點解被舉報就不得而知喇。不過，根據有關網站嘅政策，如接獲投訴，社交網站就會檢視內容，如內容係唔適當及違反有關政策嘅話，將被強制關閉。不過社交網站亦講明，唔係任何被舉報嘅內容都會被強制關閉。莫非呢件事只可解釋為陳淨心同愛港力都違反咗呢個網站嘅政策？