中環出更：王守業夫人優雅逛超市
近日天氣咁熱，但係大新銀行主席王守業夫人嚴君琴仍能保持優美儀態。有一日下午茶時間，卓妮見到身穿米白色套裝裙嘅王太喺中環太子大廈出現，佢遇到一位外籍友人，喺一間時裝店外傾偈，之後王太笑住同友人揮手道別，然後獨自乘扶手電梯，去二樓嘅超級市場。
買料整大餐畀愛孫食
王太步入超市，隨即從門口索取一架手推車準備購物。卓妮上前同王太打招呼，原來佢話正打算買啲新鮮食材，返屋企整個豐富大餐畀孫仔食。對乖孫愛護有加嘅佢，年年都會帶埋孫仔去旅行，佢話今年決定去泰國度假，享受吓陽光與海灘。
卓妮