政情：今日你上鏡：智思「辰」話

政界一直盛傳有「公職王」之稱嘅行政會議成員陳智思（Bernard）係下屆特首人選，日前就發生咗件趣事。話說Bernard出席一個社團活動時，遇上有記者就某件事件問佢嘅睇法，此時立法會議員田北辰咁啱經過，佢就即時捉住田二少，叫對方幫佢答記者問題。田二少見狀就笑笑口回應話：「使乜我幫吖，你練吓啦，以後可能有重要職務呢！練定啱o架喇！」Bernard聞言有點不知所措，對住記者講：「都唔知佢（田二少）講乜！」記者追問佢點解讀田二少講嘅嘢？佢就封口唔答喇，仲轉移話題添，唔知佢真唔知定假唔知呢？