政情：公民講場：搞事四人幫 輪住發功

外號「搞事四人幫」嘅壹傳媒肥佬黎、「李漢奸」李柱銘、「民主阿婆」陳方安生同「政治（前）主教」陳日君，日前被我哋影到雲集肥佬黎大宅秘密會面，唔使講梗係又趁美國「走佬特工」斯諾登來港爆料，以及七一遊行將至嘅敏感時刻，合謀搞風搞雨。果然，李漢奸前日上電台發表「漢奸宣言」，厚顏指稱港府放生斯諾登離境，難以向涉嫌入侵中國及香港網絡嘅美國政府交代。到尋日又輪到民主阿婆出場，上電台炮轟特首梁振英（CY）施政同呼籲市民七一上街，仲公開離間政務司司長林鄭月娥同CY嘅關係，慫恿林鄭學佢當年咁劈炮唔撈。