【本報訊】消防因一封電郵投訴即高調到報館巡查，有消防處前工會成員指，消防處不時收到內容空泛，毫無實據的投訴，即使投訴範圍是全棟大廈，消防處仍然會跟進，希望以「到此一遊形式，旨在交差」，擾民之餘，亦浪費員工精力。
「如果投訴電郵，只係話伺服器機房灑水系統失靈，但係邊層機房有問題又唔知，內容空泛，又無實據，仲要到場查，真係浪費員工精力。」消防處前工會成員大嘆，消防處每日都會收到投訴，當中屬惡意虛報幾乎每星期有一宗，惟處方仍然會要求前線員工實地視察，「無確實地點，無相、無數據，得一句嗰棟樓有問題，我哋都要出隊去四圍巡。」
他認為，處方做法旨在「交差」，卻令前線員工疲於奔命，「有時，有人投訴全棟大廈廿幾三十層，戶戶都有問題，我哋就要個個單位去查。半夜三更，一句懷疑有某單位有火警，就算之前試過好多次係發現虛報，都派幾架車出隊，到場嘈醒個戶主，玩佢又玩我哋。」
他又建議，處方處理有關個案，應該先致電投訴人核實，以及檢查建築物的年檢證書，如果發現問題確證存在，才到場了解。