美國中情局前特工斯諾登前日靜靜雞離港，展開新一輪逃亡之旅。港府呢頭急急送客，立法會議員何俊仁（鐵頭仁）嗰頭自爆係斯諾登嘅代表律師，不但繪影繪聲形容斯諾登精神唔錯，仲話「代表」斯諾登同政府極高層磋商斯諾登去向。眾所周知，鐵頭仁同佢一班泛民主派老友係華府親信，如果斯諾登真係搵佢代表自己，分分鐘所託非人，加上斯諾登已經人去樓空，鐵頭仁突然現身抽水，冇證冇據，真係任得佢噏，正所謂須防「仁」不仁，難怪港府當鐵頭仁冇到喇！
